Që prej vitit 2016 kemi kuptuar që gjithëpërfshirja sjell risi dhe zhvillim të vlefshëm për shkollën. Për këtë arsye ne i kemi dhënë vetes detyra dhe përgjegjësi të reja nëpërmjet të cilave mund të arrihen rezultate e nevojshme. Për ne kjo është një frymë e re dhe energji e nevojshme për t’u shpenzuar në përparimin praktik dhe konkret të shkollës sonë. 

Ditët e sotshme shkolla jonë ka mbarështruar planin e saj të qartë drejt zhvillimit më të mirë të Arsimit Porfesional. Plan zhvillimor ky i cili e bën shkollën të transformohet ndryshe në modelet didaktike dhe afrimin drejt karakterit të biznesit.  

Përqasja strategjike edukuese e shkollës lidhet me parimet e respektit, vlerave, bashkëpunimit dhe udhëheqjes së përbashkët. Secili pjesëtar i shkollës ka vlerë dhe rëndësi në vendimarrje, ndërsa nxënësit mbështeten në zhvillimin e mendësinë përparimtare duke hyrë në proceset demokratike. Thënë shkurt, ky është një process prej dialogu aktiv. Pjesëmarrja e të gjithëve është busulla jonë.